عورت، قرآن کی نگاہ میں از شہید مطہری

افکار تصاویر / گهرانه تصویری گیلری زندگی زندگی/مطہری شخصیات شہید مرتضی مطہری

شہید مطہری فرماتے ہیں: اسلام نے عورت کے پائمال شدہ حقوق کا احیا کیا ہے۔ قرآن نے اپنے نزول کے آغاز میں ہی عورت کے حقوق کے لیے بنیادی قدم اٹھایا۔ ذیل میں عورت سے متعلق قرآنی تصور کے چیدہ نکات بیان کیے جاتے ہیں۔

عورت خلقت میں مرد سے مختلف نہیں ہے۔

قرآن کریم دیگر آسمانی منابع (مذاہب) کے برخلاف مرد اور عورت کی خلقت کو یکساں قرار دیتے ہوئے عورت کی خلقت کو احترام کی نگاہ سے دیکھتا ہے۔ قرآن پوری صراحت کے ساتھ بیان کرتا ہے کہ مرد اور عورت ایک ہی جنس سے خلق ہوئے ہیں۔(خلقکم من نفس واحدة ثمّ جَعَلَ منہا زَوجہا – زمر ۶) یعنی مرد اور عورت کی تخلیق (نفس واحدہ) مٹی سے ہوئی ہے۔ جبکہ موجودہ تورات، عورت کو مرد کی نسبت ایک پست تر مادہ سے خلق شدہ مخلوق کے طور پر بیان کرتی ہے۔تورات کی نگاہ میں عورت کو مرد کی باہنی پسلی سے خلق کیا گیا ہے، لیکن قرآن کریم عورت اور مرد کی خلقت میں اس طرح کے امتیاز کا قائل نہیں۔

روحانی کمالات تک رسائی

دور جاہلیت کی ثقافت اور تحریف شدہ ادیان نے عورت کو روحانی اعتبار سے ضعیف قرار دے کر معنوی کمالات اور قرب الهی کے حصول سے عاجز خیال کیا ہے۔ جبکہ قرآن کریم کی نگاہ میں معنوی کمالات کا حصول مرد اور عورت دونوں کے لیے یکساں طور پر ممکن ہے اور جنسیت(عورت یا مرد ہونے) کو دخالت حاصل نہیں ہے۔ قرآن کی متعدد آیات میں قرب الہی اور پاداش اخروی کا تعلق جنسیت (مرد یا عورت ہونے) کی بجائے انسان کے ایمان اور عمل سے مربوط بتایا گیا ہے چاہے وہ مرد ہو یا عورت۔ قرآن نے عظیم مردوں کے ساتھ صاحب عظمت خواتین کو ذکر کر کے ان کے معنوی مقام کی تعریف کی ہے۔ حضرت مریم،سارہ، حاجرہ اور زوجہ فرعون کی عظمت بیان کی گئی ہے۔